TN Chief Minister Talent Search Exam 2024 :தமிழகத்தில் 11-ம் வகுப்பு படிக்கும் மாணவர்களுக்கு அரசு தேர்வுகள் இயக்ககம் தமிழ்நாடு முதலமைச்சரின் திறனாய்வுத் தேர்வை நடத்தி வருகிறது. இதில் வெற்றி பெறும் 1000 மாணவர்களுக்கு தலா ரூ.1000 மாதம்தோறும் வழங்கப்படும். இத்தேர்வு கடந்த ஆகஸ்ட் 4-ம் தேதி நடைபெற்றது. இதற்கான முடிவுகள் இன்று வெளியாகிறது.
Tamil Nadu Chief Minister Talent Search Exam 2024 Result : தமிழகத்தில் அரசு பள்ளிகள் மற்றும் அரசு உதவிபெறும் பள்ளிகளில் 11-ம் வகுப்பு படிக்கும் மாணவ- மாணவியர்களின் திறன்களை கண்டறிந்து உதவித்தொகை வழங்கும் வகையில் தமிழ்நாடு முதலமைச்சர் திறனாய்வுத் தேர்வு நடத்தப்படுகிறது. இத்தேர்வில் தேர்ச்சி பெறும் மாணவர்களுக்கு மாதம் ரூ.1000 உதவித்தொகை வழங்கப்படும்.
தமிழ்நாடு முதலமைச்சர் திறனாய்வுத் தேர்வு 2024 :
- தமிழ்நாடு முதலமைச்சர் திறனாய்வுத் தேர்வு 11-ம் வகுப்பு மாணவர்களுக்கு கடந்த ஆகஸ்ட் 4-ம் தேதி நடைபெற்றது. இத்தேர்வை அரசு தேர்வுகள் இயக்ககம் நடத்தி வருகிறது.
- இத்தேர்வை 1,03,756 மாணவ- மாணவியர்கள் எழுதியிருந்தனர். இந்நிலையில் இதற்கான முடிவுகள் இன்று வெளியாகிறது.
மாதம் ரூ.1000 ஊக்கத்தொகை :
தமிழ்நாடு முதலமைச்சர் திறனாய்வுத் தேர்வில் தேர்ச்சி பெறும் மாணவ- மாணவியர்களில் 500 மாணவர் மற்றும் 500 மாணவிகள் தேர்வு செய்யப்படுவார்கள். அவர்களுக்கு இளநிலை பட்டப்படிப்பு வரை மாதம் ரூ.1000 ஊக்கத்தொகையாக வழங்கப்படும். ஒரு கல்வியாண்டிற்கு 10 மாதங்கள் என மொத்தம் ரூ.10,000 வழங்கப்படும்.
தமிழ்நாடு முதலமைச்சர் திறனாய்வுத் தேர்வு 2024 தேர்வு முடிவுகள் :
இத்தேர்வின் முடிவுகள் அரசு தேர்வுகள் இயக்ககத்தின் https://www.dge.tn.gov.in/ என்ற இணையதளத்தில் வெளியாகிறது. தேர்வு செய்யப்பட்டவர்களின் பட்டியலை பார்க்க இங்கே கிளிக் செய்யவும்.
படி 1: மாணவார்கள் https://apply1.tndge.org/ என்ற இணையதளத்திற்கு செல்லவும்.
படி 2 : அங்கு முகப்பு பக்கத்தில் ‘Results’ என்று இருப்பதை கிளிக் செய்யவும்.
படி 3 : அதில் ‘Tamil Nadu Chief Minister Talent Search Examination’ என்பதை கிளிக் செய்யவும்.
படி 4 : மாணவர்களின் பதிவு எண் மற்றும் பிறந்த தேதி ஆகியவற்றை உள்ளிடவும்.
படி 5 : இறுதியாக தேர்வின் முடிவுகள் திரையில் தோற்றும்.
படி 6: அதனை பதிவிறக்கம் செய்து வைத்துகொள்ளவும்.
